အချစ်ဆိုတာဟာ ကောင်းကင်က ငှက်တစ်ကောင်လိုပဲ
ဘဝဆိုတာ ဖြတ်သန်းမှ အဓိပ္ပာယ်ရှိတယ်
တစ်ချိန်လုံး ဖြတ်သန်းလာခဲ့ရတဲ့ မိုးတွေကို
ချွေးသိပ်ဖို့ နားခိုရာမဲ့ အချစ်သစ်ပင်ကို
ကူးခတ်ရင်း အရှိန်အဟုန်ဖြင့် လေကို ထိုးခွင်းလာရင်းနဲ့
အတောင်ပံခတ်သံ.. အချက်တိုင်းမှာ..
ချစ်တယ်... ချစ်တယ်ဆိုတဲ့ ရိုက်ချက်များ
ရွှေနားတော်အပါးဆီ ပဲ့တင်မြည်ဟီးလို့
ချစ်တယ်.. အရမ်းပဲ ချစ်နေပြီ...
ချစ်တယ်... အရမ်းပဲ ချစ်နေပြီ...
ချစ်တယ်... အရမ်းပဲ ချစ်နေပြီ
ချစ်တယ်.. အရမ်းပဲ... ချစ်နေပြီ
"အရမ်းပဲ ချစ်နေပြီ" ဆိုတဲ့ သီချင်းကို ဖော်ရမ်မှာ ရှယ်ယာလုပ်ထားတာ တွေ့လို့ ဒေါင်းလုပ် လုပ်ပြီး နားထောင်ဖြစ်တယ်။ အဲ့ဒီ သီချင်းလေးကို တော်တော် သဘောကျမိတယ်။ ဒါပေမယ့် ရှယ်ယာလုပ်ထားတဲ့ သီချင်းက နည်းနည်း ကွာလတီ မကောင်းလို့ ပိုကောင်းမယ့်ဟာလေး ရှာဖြစ်တယ်။
သူ့အသံလေးက တော်တော် နားထောင်လို့ကောင်းတယ်။ တော်တော်လေး သဘောကျပြီး ခိုက်သွားတယ်။ ဟန်ထွန်း အသံနဲ့လည်း ဆင်တယ်။ ဒါကြောင့် စစချင်း အဲ့ဒီ "အရမ်းပဲ ချစ်နေပြီ" ဆိုတဲ့ သီချင်းကို ဟန်ထွန်းဆိုထားတယ်လို့တောင် မှတ်နေတာ.. နောက်မှ သူ ဆိုတာ မဟုတ်မှန်း သိတာ... သီချင်းစာသား အစလေးကို ဂူးဂယ်လ်မှာ ရှာကြည့်လိုက်တာ သီချင်းစာသားလေးတင်ထားတာ သွားတွေ့တယ်။ ပြီးတော့ ရိန်မိုးဆိုတာမှန်း သိလိုက်ရတယ်။
အဲ့ဒါနဲ့ Myanmar Mp3 Album website မှာ ရှာကြည့်လိုက်တာ ဇာတ်ဝင်တေးများ (၁) ဆိုတာ သွားတွေ့တယ်။ ဘာ ဇာတ်ဝင်တေးတွေလည်းတော့ မသိဘူး.. ကိုယ်ရှာနေတဲ့ သီချင်း ရှိတယ်ဆိုလို့ ဒေါင်းလုပ် လုပ်လိုက်တယ်။ သီချင်း (၉) ပုဒ် ပါတဲ့ထဲမှာ (၉) ပုဒ်လုံး ကြိုက်တယ်။
ဒီတစ်ခါ City Mart ရောက်ရင် သူ့အခွေလေးတွေ လိုက်ရှာဝယ်ဦးမယ်။ :)
No comments:
Post a Comment